Ïa ka met ba sah jong u MP ka Shillong u Ricky Andrew J Syngkon uba la khlad noh ha ka 19 tarik Rymphang 2026 la pyndep donburom ha ka 21 tarik Rymphang 2026 ha u Lum Jingtep ka Balang Prebyterian Sumer, Ri Bhoi District.
Ha kane ka sngi on tep ïa u Dr Ricky Andrew J Syngkon la wan ban sakhi da kiba bun ki paidbah na kylleng ki jylla ba kynthup naduh ki MLA, Ki MDC, bad ki paidbah Nongshong shnong ka jylla.
Ha shwa ban pyndep ïa ka met ba dang sah jong u Dr Ricky Andrew J Syngkon ka la don shwa da ka jingialang ha ICAR bad lah ioh jingkren na ki ba bun ba kynthup na ka ïing ka sem, na ka party, ka Sorkar bad na ki riewshemphang bad ki paidbah Nongshong shnong.
Kum ban shu pynkynmaw u Dr Ricky Andrew J Syngkon u la khlad noh ha ka miet jong ka 19 tarik Rymphang 2026 ha Dr H Robert Hospital Shillong.
Ka jingkhlad khyndit u MP ka long shisha ka jingsngewsih kaba khraw ym tang ïa ka VPP hynrei ïa ki paidbah Nongshong shnong Kylleng ka jylla namar ka jylla ka la duh ïa u wei u nongialam uba sngewrit uba pynrit ialade bad uba don shibun ka jingthrang ban kyntiew ïa ka jylla.
