-Iaroh ka JNC ia ka jingshimkhia jong u MLA ka thaiñ u ma Nujorki Sungoh-
Hynnin ka sngi na ka liang jong ka JNC, Western Zone, ryngkat bad ka JNC Lakseiñ Circle, ha ka jinglamkhmat jong u President ka Western Zone u Hamehi Bamon, kila leit ban jurip ia ka jingpyntrei ia u surok ha ka shnong Khatkhasla, bad Pshiar, kiba hap hapoh West Jaintia Hills.
Ha kane ka jingleit ka seng kala ioh ban jurip ia ka jingpyntrei ia u surok ba dng trei thymmai bad ka jingsiang rong kaba dang iaid shakhmat. Une u surok u dei uba jrong 4.8 Km naduh ka jingkieng Rud Myntang, Tih Wieh shaduh ka jingkieng Rjiang ha Pshiar uba la mang ha ka jinglut kaba Rs 4.57 klur.
Ka seng ka pynpaw ka jingsngewnguh ia u MLA ka thaiñ u ma Nujorki Sungoh uba la shimkhia bad sngap ia ka jingud jong ki paidbah bad jong ka seng kaba la buh ka jingkyrpad naduh ka 22 tarik u Naiwieng jong ka snem 2024.
Ha kajuh ka por ka seng ka kyntu ia ki nongpyntrei (Contractor) ba kin treibha ia ka kam, khnang ba une u surok un shan slem. Na ka liang ka seng ka buh ka jingkyntu ia u MLA ba un sngewbha ban bteng shuh shuh ia une u surok haduh ban da poi sha ka shnong Moolber, khnang ba kan ai ka jingmyntoi kaba khraw ia ki nongshong shnong jong kane ka thaiñ.
