Hadien ka jingujor na kiba bun ba lang halor ka jingdheng kali ha shi lynter ka surok naduh HK Singh sha Mission Compound bad shaduh Meghalaya Studio, khamtam haka por ba long skul ki khynnah.
Na ka liang u Superintendent of Police ka West Jaiñtia Hills District mynta ka sngi ula pyntreikam mardor ïa ki kyndon ha kaba ïadei bad ka rukom ïaid ki kali, khnang ban suk bad ban shngaiñ ka leit ka wan jong ki paidbah.
La pyntip ba ym shah ïa ki kali ban rung na H.K Singh sha Mission Compound haka por 7:30 AM haduh 9:00 AM bad 2:30 PM haduh 4:00 PM.
La mana ban pynïeng kali ha baroh arliang jong ka surok na HK Singh sha Mission Compound naduh ka por 7:00 AM haduh 7:00 PM.
La khang ruh ban pynïeng kali ha baroh ar liang jong ka surok na Mission Compound haduh Meghalaya Studio naduh ka por 7:00 AM haduh 7:00 PM.
Kumta la kyrpad ïa ki paidbah ban long kiba ïatreilang bad ki bor pulit ba pynïaid kali bad ban bud ryntih ïa ki kyndon ba la buh. Kino kino kiba pynkheiñ ïa kane ka kyndon kin shah pynshitom katkum ki kyndon aiñ.
Shuh shuh la pyntip ba ïa ki dak No-Parking yn buh ha shi lynter kitei ki bynta jong ka surok bala kdew haneng khnang ban tip ki paidbah.
