U ma Sniawbhalang Dhar uba dei u Symbud Myntri Rangbah ka sorkar jylla bad uba peit ïa ka tnad Urban Affairs ha ryngkat kiwei de ki MLA kila leit ban jurip ïa ka jingtei thymmai ïa ka New Secretariat ha New Shillong Township, Mawdiangdiang.
La pynsngew ba kane ka jingwan jurip jong ki ka pyni shai ba kane ka Sorkar kam shong tang ha ki jingkular, hynrei ka trei shitom ban wanrah ïa ka jingkylla. Ka project Secretariat bathymmai ka long ka jingïohi jngai kaba shlur ban thaw ïa ka synshar khaddar kaba thymmai, kaba trei hok bad kaba don bynta bad u paidbah bad shakri ïa ki pateng ban wan.
La ong ba ka tnad Urban Affairs ka dang ïaid shaphrang hapoh ka jingïalam jong u Symbud Myntri Rangbah, ma Sniawbhalang Dhar bad ka jingpeit bniah jong u ka la ai mynsiem thymmai ïa ka roi ka par ha ki jaka sor, da kaba pynthikna ba ki project kim sahkut hynrei ki ïaid shaphrang da ka jingkitkhlieh jong ka sorkar.
Ka jingkylla jong ka New Shillong Township ha Mawdiangdiang kum ka shnong kaba thymmai ka pyni ïa ka jingïohi jngai bad ka jingthmu jong ka Sorkar ban wanrah ïa ka roi ka par ha ka jylla hi baroh kawei.
