U Symbud Myntri Rangbah ka Jylla u Bah Prestone Tynsong uba dei ruh u State President ka NPP haba kren sha ki lad pathai khubor ha ka 3 tarik Lber 2026 u la ong ba ka NPP kan pynleit jingmut shwa ha ka Elekshon sha GHADC ka ban sa long shen.
Nalor kata u la pynpaw hadien ka Elekshon jong ka GHADC kan sa shong iano ban phah sha kane ka MP By Elekshon bad u la ong ba ka NPP kan pynïeng beit ia u kyrtong u ban iakhun ia ka MP By Elekshon hadien ka jingkhlad noh u MP ka Shillong u Dr Ricky AJ Syngkon.
Shuh shuh u la ong ba ka Elekshon ka dei ka Elekshon bad kaba kham kongsan ka dei ka jingtrei shitom bad ka Party ka buh ia ka thong ban ioh ia ka jingjop.
U la bynrap da kaba ong ai ba ka kam kan kren kham jam ban ia ka ktien bad ki paidbah kin kham stad ban bishar ia kiei kiei baroh.
Khatduh u la ong ba ka jingmyntoi kan don khamtam haba iadei bad ka jingsahdien haba iadei bad ka ILP bad ban pynrung ia ka ktien khasi namar lada don ia u MP Lajong kan long ka jingmyntoi bad lada ym don ka Sorkar ka hap ban leit na ka por sha ka por bad lada don ia u MP lajong kan long ka jingmyntoi ia u MP ba un rah ia kane ka mat kaba la dep mynjur ha ïingdorbar ka jylla sha Parliament la ong u Bah Prestone Tyngsong.
