Ka Hynñiewtrep Youths Council (HYC), Elaka Shilliang Myntang Unit, lyngba ka kyrwoh u Pynroi Shylla President ka Elaka Shiliang Myntang Unit, u la pyntip ba ka seng kala maham ia ki kali (trok) kiba kit palat pud kiba iaid lyngba ia u surok na Laskeiñ sha Barato, namar kala ioh jingujor la bun bun sien na ki nong shong shnong jong ka thaiñ namar ia u surok ba dang shu dep siang rong um iahap satia bad ka jingkit jong ki, namar bunsien ka seng kala iohi ba ki iaid ki dumper, ki trucks 16 shaka bad haka juh ka por ka seng kala ban ruh halor ka jingsynjor jong ka jingkieng Rymphum Myntang.
Ka jingkit palat pud jong ki trok ba iaid lyngba une u surok ka buh jingma ia ki nongleit nongwan lada jia ba duh ia katei ka jingkieng kan long ka jingduh nong kaba khraw ia ki nongshong shnong ka thaiñ ki ba iaid lyngba une u surok, namar kumba long mynta une u surok u la sdang jot bad lada ka jingiaid kine ki kali heh ka dang iai bteng sa tang kato katne kan jur shuh shuh ka jingjot kaba wan rah ia ka jingeh ki paidbah.
Kumta na ka liang ka seng ka la ong ba lada ka seng ka dang iohi bad lap ia kine ki kali kit mar palat pud bad ioh ka jingujor naki paidbah kam banse ban ai jingtip wat sha ki bor ba halor, khnang ban ym thut ka leit ka wan ia baroh lang.
Shuh shuh ka seng kala kyrpad iaki paidbah ban iatreilang naka bynta ka bha ka miat ki babun balang.
