Ka Pnar Student Movement (PSM) hynnin ka sngi ka la leit buh jingthoh ha ka Additional DC ka Kong B.Blah, kum ka jingbud dien ia ka jingslem palat ban pynmih ia ka result DSC na ka bynta ki post LDA, Male Supervisor, GRAM Sevak bad ka typist.
Ha kane ka jingbud dien ka seng ka la ioh ban iakren bad katei ka Additional DC da kaba pynpaw ba lada slem palat kumne ban pynmih ia ka result kan ktah shibun ia ki nongthep kam bad kanktah ia ka snem jong ki (over age). Lada kloi ka jingpynmih result kan iarap bad ailad ia ki ban apply sa 2 sien 3 sien lada kim ioh kam ha kane ka kynti.
Na ka liang ka Additional DC ka la pynsngew ba la dei hi ka por ban pynmih ia ka result na ka bynta kiba ialeh exam bad ka la ong ba kan shimkhia ban iakren bad u DC uba dei u Chairman ka DSC ban pynkloi ia ka kam.
Kane ka long kat kum ka kyrwoh na u Publicity Secretary ka seng u samla S.Lakiang.
