U General Secretary jong ka Meghalaya Pradesh Congress Committee u Bah Manuel Badwar haba kren sha ki lad pathai khubor u la pyntip naduh u snem 2020 haduh 2022 halor ka jingpynlut pisa ka Sorkar ha ka tnad PWD kumba 744 klur tam ka PWD ka pynlut ia ka pisa ha ki project bapher bapher ha ka jylla ha ki 2 snem, hynrei lada peit ia ka jingpynlut pisa ka PWD ha ki project bapher bapher kumba 400 klur ka leit sha tang uwei u briew bad tang sha kawei ka party, bad ka Sorkar ka pynlut ym dei ba ai sha baroh ban kyntiew ia ka ioh ka kot hynrei ka shu ai beit tang ia ki briew kiba dei jong lajong bad kan nang khraw ka spah jong ki bad nang khraw ka spah jong ka Party kaba dang synshar mynta.
Nalor kata u la kynnoh lada ka Sorkar ka kren kop sa katno katno ruh ba ka la pynlut pisa shibun ban kyntiew ia ka ioh ka kot hynrei ka jingpynlut ka sorkar ka leit tang sha khyndiat ngut ki briew bad kane ka dei ka jingkylli ba ka Congress ka buh sha ka Sorkar.
Khatduh ka Congress ka kyntu ia ka sorkar ba kam dei ban leh kumne bad ka Congress kam iohi ba kata ka spah ka phew ka kyntiew ia ka ioh ka kot jong ki paidbah bad ka leit sha katto katne ngut ki briew bad sha kawei ka party.
