Ka Škoda Auto India ka la sdang īa ka jingïateh ban ai jingshakri kaba nyngkong eh ha Shillong, kaba long ka jingpynkhlaiñ ïa ka jingtreikam ha ka thaiñ North-East. Kongsan eh, kane ka sienjam ka kdew ïa ka jingrung ba nyngkong ka Škoda Auto India ha ka Jylla Meghalaya. Ka Sales, Service bad Spares Facility (3S), la sdang ha ka jingïatreilang bad ka SSB Automobiles Pvt. Ltd. (La i Jong Škoda), kaba wanrah ïa ki kali bapher bapher bad ka jinglong trai kaba khamjan sha ki nongthied ha kane ka thaiñ.
Kane ka jaka die kali ka don ha Laitkor Rngi, Shillong, ha ka jingheh 3000 sq.ft ka Sales Showroom bad ka 4-Car Display, ryngkat ka jingheh ba 7,250 sq. ft. ka jaka Service bad 3 tylli ki Bay. Ka kynthup ïa ka Modern Solid Global Design Philosophy jong ka Skoda, kaba pynthikna ban kan long kaba pdiang sngewbha ïa ki nongthied bad ka ïadie īathied kaba paka lem ka jingshakri.
Haba kren ha ka jingïalang plie, u Ashish Gupta, Brand Director, Škoda Auto India, u la ong, “Da ka jingplie ïa ka Customer Touchpoint ba nyngkong Shillong, ngi sngewkmen ban wanrah īa ki Škoda Auto kham jan sha ki paidbah ka Meghalaya. Ka thaiñ North-East ka dei kaba dang sdang bad ka ïew kaba paka bha na ka bynta jong ngi bad ka jingwanrah ïa ka jingtreikam hangne ka kdew ba ngi don ka jingangnud ban pynkhlain ïa ka Škoda ha ka rukom ban suk ban ïoh ha baroh kawei ka Ri India. Hadien u snem uba biang na ka bynta ka jong ngi ha India ha u snem 2025, ka jingpynkhlaiñ ïa ka jingtreikam ka dei ka thong jong ngi. Ka jingplie ïa kane ka jaka kan ai sha ki nongthied ïa ki Product Portfolio ba kynthup ka Kylaq, Kushaq, Slavia bad Kodiaq, ryngkat ka jinglong trai bad jingshakri kaba paka bha”.
U Rakesh Kumar Singh, Dealer Principal, SSB Automobiles Pvt. Ltd. (La i Jong Škoda), u la ong, “Ngi sngewkmen ban ïatreilang bad ka Škoda Auto India bad wanrah ïa ka jingai jingshakri ha Meghalaya ha ka sien ba nyngkong da kaba sdang ha Shillong. Kine ki jingai jingshakri la pynwandur ban ai ka jinghun ia ki nongthied. Ngi sngew skhem ba ki nongthied ha ka thaiñ kin sngewjan ïa ka jingtbit ka Škoda Auto ha ki bynta bapher bapher “.
Ha ki snem kiba la dep, ka Škoda Auto India ka la pynïar īa ka jingtreikam na ki 120 tylli ki Touchpoint ha u snem 2021 sha ka 325 tylli ki Touchpoint 148 tylli ki nongbah. Ka Company ka dei kaba sted bha ban ïoh jingkyrshan bad jingiajan bad ki nongthied ha kylleng ka Ri India.
