Ka HITO, Laskeiñ Block Circle ha ka jinglamkhmat u President Khiejoit Niang bad kiwei de ki dkhot, kila lei ban ia kynduh ia ka Manager iong ka SBI Phramer Branch, West Jaintia Hills mynta ka sngi, ban dawa buh ia ka ATM Machine ha katei ka Branch.
Ka seng kala iohi ia ka jingeh kaba ki paidbah kiba donkam ban thep ne sei pisa na ka bynta ka jingdonkam jong ki ha ka thied ka pet haba ki leit iew leit hat ha ka shnong Phramer. Haba ki rung hapoh ka Bank lyngba ki Counter sei ne thep pisa ka shimpor ia ki da ki bun bun kynta ha ryngkat u laiñ uba jrong. Kumta ka long kaba idonkam bha ba ka SBI kan buh noh da ka ATM hapoh katei ka Branch jong ka, khnang ban pynsuk ia ki paidbah jong katei ka thaiñ.
Na ka liang katei ka Branch Manager ka la pynthikna ban pynioh ia ka ATM hapoh kine ki 2 ne 3 bnai.
Kumta na ka liang ka seng kala pdiang ia kane ka jingkular jong kane ka BM bad la kyntu ia ki paidbah jong ka thaiñ ba kin long kiba iai shah sa katto katne por, pynkut ka khubor na ka seng.
