Ka ophis jong u Assistant Employment Officer, District Employment Exchange, East Jaintia Hills District, Khliehriat kan sa pynlong ia ka Placement Drive 2026 ha ka 19/03/2026 ha Khliehriat West Community Hall, naduh ka por 10:00 AM haduh 4:00 PM.
Kane ka prokram ka long kum ka jingailad ia ki samla wad kam wad jam jong ka District ba kin ioh lad ban iakren bad ia kylli pyrthew na ki nongaikam ha ki kam bapher bapher.
Kino kino ki samla kiba don jingmut la pynshlur ia ki ban wan iashim bynta ha kane ka prokam da kaba kin wan rah lang ia ki kot ki sla original jong ki kum ki Birth Certificate, ST Certificate, EPIC, Marksheets, Employment Card lada kila dep ban pynrung ialade hapoh ka tnad Employment Exchange ka District, ki dur passport size bad ka CVs/Resume ban submit ha ka por ba pynlong ia ka jingpynrung kam.
Na ka bynta ki jingtip ba bniah lah ban phone ha u Mobile Number 70054-12289 lane lyngba ka email ha sdee.khliehriat-meg@nic.in
