Ka Sarot I Man (SIM) kaba long kawei na ki kynhun jong ki 11 ngut shi paralok ki la leit ban ai sngewbha da ki sopti, ki jaiñ ki nep ki jingbam bad kiwei de ki tiar ki tar sha kawei ka shnong kaba tip kyrteng kum ka Mookhonyung, kaba dei ka shnong kaba don sha shiliang ka shnong Nartiang lyngba ka lynti ban leit sha Moorathut ter ter.
Hashwa ban sam ia kitei ki jingai sngewbha, la pdiang burom iaka seng Sarot I Man da u Waheh Shnong ka Dorbar Shnong Moorathut u ma Bok Lamin, bad la aiti ban pyniaid ia ka program da ki dkhot ka SIM
Ha kaba ia ka jingialang la pyniaid da u ma Ram Sumer, uwei na ki dkhot ka SIM, la ioh ia ka nguhblei na u Sienmitre Sumer, katba ia ka jingkren pynshai ia ka rukom treikam bad jingthmu ka SIM la kren da u Shape Pasweth.
U Chairman u la pynithuh ruh sha ka shnong ia baroh ki nongkitkam ka SIM kumjuh ruh ia ka thong triakam ka jong kaba kaba dei naka bynta ka bha ka miat kiba bun balang. Ha kaba u ma Shape ki la pynshai ruh sha ki nongshong shnong ia ka jingkordor jong ka khuid ka suba bas kumjuh ka jingiada iaki khlaw ki btab. U la kyntu ruh ia ka shnong bay m dei ban kloi ban iathoh ne shong kurim, namar ka don ruh ka aiñ kaba khang pyrshah ia kane, namar ka jingshong kha ba dang khynnah ka ktah ia ka koit ka khiah ia ka kmie kumjuh ruh ia i khunlung. U la ong ba ngi dei ban ieit shwa dalade ia lade khnang ban la ban kyntiew ia ka iing ka sem ki=umjuh ruh ia ka shnong ka thaw.
U Waheh shnong ka shnong u la pynsngew ia ka jingsngew burom ia ka kynhun jong ka SIM, kaba la wan sha ka shnong jong ki, kaba dei shisha kawei na ka ki shnong kaba donkam shisha ia ka jingiarap.
Ha kaba na ka liang ki nongshnong shnong ki la pdiang sngewbha da kaba kmen ia kitei ki jingai sngewbha ki dkhot ka SIM sha katei ka shnong bad kane hi ka la pynkmen ruh ia ki dkhot ka Sarot I Man, ong u ma Jaitdao Sumer, u dkhot ka SIM.
