Katkum ka kaiphot ba la lum kyllum da ka tnad Meghalaya State Disaster Management Authority (MSDMA) ba la pynmih mynta ka sngi, la iathuh ba naduh ka 13/03/2023 haduh ka 17/03/2026 bad haduh ka por 9:00 PM ka jingioh lum jingkheiñ jong kane ka tnad la ong ba ki don haduh 745 tylli ki shnong bad 48,490 ngut kiba la shah ktah na ka jinglynshop mariang kaba kynthup ia ka jingbeh lyer, u phria, u slap bad ka jingtied pyrthad ha kylleng ki bynta jong ka jylla.
Baroh ki District jong ka Jylla ki la shah ktah lut ha kane ka jinglynshop mariang ki kynthup ia ka East Khasi Hills, ka West Khasi Hills, Ri Bhoi, South West Khasi Hills, Eastern West Khasi Hills, West Jaintia Hills, East Jaintia Hills, West Garo Hills, East Garo Hills, South Garoh Hills, South West Garo Hills bad ka North Garo Hills. Na kine 30 tylli ki Block kiba la shah ktah, ka jingjulor bad jingduh ki ïing ki sem ka long 13076 tylli. Ka mynsiem briew ba la duh ka long 1 bad mynsaw 1, ka jingshah ktah ki jaka rep ka long 0.4 HA. Nalor kine ki don sa 66 tylli ki jingtei (infrastructure) kiba la shah pynjulor. Ym don ka jingduh jong ki mrad ne ka jingjah (missing) ha kino kino ki jaka.
