Ka Sub-Divisional Officer (Supply), Amlarem Sub-Division ka pynbna paidbah sha baroh ki trai dukan kiba don hapoh Amlarem Sub-Division kum ki Hotel, Restaurant, ki dukan die sha bad ja bad ki canteen ba yn ym shah ia ki ba kin pyndonkam ha ki dukan jong ki da ki Domestic LPG Cylinder.
Baroh ki dukan kiba ju pyndonkam da ki Domestic LPG Cylinder ki dei ban kylliang noh mar mar da ki Commercial LPG Cylinder. Lada lap ia kino kino ki dukan kiba dang pyndonkam da ki Domestic LPG Cylinder, kin shah pynshitom katkum ka aiñ Liquefied Petroleum Gas (Regulation of Supply and Distribution) Control Order, 2000.
Ha ka juh ka por la pyntip ruh sha baroh ki paidbah ba la shah ban book ia ki Cylinder LPG tang ha dien 25 sngi naduh ka sngi ba pynpoi khadduh.
