U Deputy Commissioner (Supply) East Jaintia Hills District ula pynmih ia ka hukum mynta ka sngi ba baroh ki jaka khaïi kum ki Hotel, ki Restaurants, Canteen bad ki dukan die surok ki dei ban pyndonkam da ki tyndong gas ba khia 19 Kg ne ki Commercial Cylinder LPG na ka bynta ka jingdonkam ba man ka sngi jong ki, katkum ka jingbthah jong ka kyndon aiñ Section 3 Clause (3) [(2)] jong ka LPG (Regulation of Supply and Distribution Order) 2000.
La pyntip ruh ba ki tyndong gas ba khia 14.5 Kg ki dei ki Domestic Cylinder dei ban sangeh noh ka jingpyndonkam ha ki dukan, namar ba ka long pyrshah ia ka aiñ Clause 3 (C) of LPG.
Lada lap ia kino kino kiba ialeh pyrshah kin ngat ha ka jingpynshitom katkum ki kyndon aiñ la pynkut u Deputy Commissioner (Supply), East Jaintia Hills District, Khliehriat.
