U Myntri Rangbah ka Jylla u Conrad K Sangma ha ryngkat bad u Symbud Myntri Rangbah ka jylla u Bah Prestone Tynsong ha ka 19 tarik Lber 2026 ki la leit ban iakynduh ia u Lat ka jylla u CH Vijayashangkar ban iakren halor ka jinglong jingman ha Garo Hills.
Haba kren sha ki lad pathai khubor u Myntri Rangbah ka Jylla u Conrad K Sangma u la pyntip halor ka jingjia ha Garo Hills u Myntri Rangbah u la iathuh ba ha ki 2 taiew ba la dep u Myntri Rangbah u don sha Garo hills bad u la pyntip lyngba telephone sha u Lat ka jylla halor ka jingjia ha Garo Hills bad ha ka 19 tarik lber 2026 u Myntri Rangbah bad u Symbud Myntri Rangbah ki la ioh ban pynsngew ha u lat halor ka jinglong jingman ha Garo hills.
Nalor kata u la ong haba iadei bad ka jingshah kem ki briew kiba suba donkti ban pynmih jingklumar ha Garo Hills ka dei ka kamram jong ki Pulit ban tohkit bad ban kem ka shong ha ka kamram jong ki Pulit ba kin iaid katkum ka kyndon jong ka aiñ.
Khatduh u la ong ka jingshongshngaiñ ha Garo Hills ka la sdang wan phai biang bad ka jingkhang ia ka internet ka la plie biang bad ka Sorkar kan dang bishar bniah bad peit bniah halor ka jinglong jingman ha Garo Hills khnang ban wanrah ia ka jingshong shngaiñ ha Garo Hills.
