Ka Deputy Commissioner (Supply) jong ka East Khasi Hills District kala pynmih ia ka jingbthah sha baroh ki nongpyndonkam lyershet (LPG) ba ki dei ban leh noh ia ka Digital Authentication Compliance (DAC) bad ruh ban leh eKYC ha ki jaka sam LPG jong ki kloi katba lah.
La pyntip ba don kam ban pyndep ia kine ki ar tylli ki jingdonkam, khnang ban lait na kino kino ki jingeh ban pynpoi ia ki LPG Cylinder sha ki nongpyndonkam ha kine ki sngi ban wan.
Ha kajuh ka por la pyntip sha ki nongpyndonkam gas ba yn shah ban book ia ki tyndong lyershet tang hadien 25 sngi naduh ba la ioh khadduh ia u tyngdong lyer shet. Yn ym pdiang ia kino kino kiba book shwa kane ka por ba la buh.
La kyntu ia baroh ki nongpyndonkam gas ba kin iasnohkti lang bad ki nongsam gas bad ban pyndep ia kitei ki jingbthah khlem pep. Lada don kino kino ki jingeh ki nongpyndonkam gas ki lah ban iakynduh bad ki nongsam gas jong ki.