Ka īingdorbar jong ka Garo Hills Autonomous District Council ha ka 23 tarik Lber 2026 ka la pynlong ia ka Session bad mynjur ban pynkylla ia ka AD Rule ba tang kiba don ia ka Schedule Tribe kin ioh ban iakhun ia ka Elekshon sha Garo Hills Autonomous District Council.
Na ka liang u Myntri Rangbah ka jylla u Conrad K Sangma uba dei ruh u National President ka NPP u la pyntip hadien ba ka ïingdorbar GHADC ka la mynjur ban pynkylla ia ka AD Rule kiba iakhun ia ka Elekshon sha Garo Hills Autonomous District Council ki dei ban don ia ka Schedule Tribe Certificate. U la ong kane ka dei ka sienjam kaba kongsan bad ka District Council ka dei na ka bynta ki Riewlum bad kane ka mat ka dei kaba lah slem ba ki paidbah ki dawa haduh 74 snem ym shym don ba leh bad mynta ka kynti ka la kylla long ka jingsah kynmaw ia ki paid Ri Lum Garo bad u la ong ia kiwei ki bym dei ki riewlum ki dei ban sngewthuh ba ka District Council ka dei na ka bynta ki riewlum jong ka jylla bad ha ka North East baroh kawei.Ha kane ka sngi ka la don ruh ka jingshad kmen ki paidbah ka Ri Lum Garo hadien ba ka Ïingdorbar GHADC ka la mynjur ban pynkylla ia ka AD Rule bad ban ailad tang ia kiba don ST ban iakhun ia ka Elekshon.
