Ka Jaiñtia Women Awakening Movement (JWAM) kala pynlong ïa ka jingïakob shad ne ka Dancing Compitition ba shi sngi haka 21 tarik Lber, 2026 ha District Library Mynthong Jowai, ha kaba u ma Dapoiwanmi Laloo u President jong ka Meghalaya People United Front (MPUF) ula long u kongsan.
Ïa kane ka jingïakob shad la wan ban bishar (judge) da u ma S.K.Lyngdoh, ka kong M.Shylla bad i samla L. Suchiang.
Ki nongïashim bynta baroh kila don khatsaw ngut baroh napdeng jong kine, ïa ka nam ba nongkong la ïoh da u samla Evening Star Phawa bad ka song poisa Rs.6000/- tyngka bad ka certificate, ba ar la ïoh da u samla Karan Khongsit bad ka song poisa Rs.4000/- tyngka bad ka certificate, ba lai la ïoh da i heprit Nidahoi Biam bad ka song poisa Rs 2000/- tyngka bad ka certificate, ïaki consolation prize la ïoh da u samla phermi Ryngkhlem bad ia kaba khatduh la ïoh da i heprit Thygracefull Shadap bad ka song poisa Rs.1000/- tyngka marwei bad ka certificate.
Ïaka jingïalang la pynwai da u ma C. Sungoh kum u Adviser jong ka seng ha ryngkat ka kyrkhu kyrdoh, da kaba ai mynsiem ïaki nongïalam ka seng ba nangne sha khmat kin nangkiew ha ki kam ba bha.
Ula ai mynsiem kumjuh ïa ki nongïashim bynta ba kin dang trei shitom ban leh bha shuh shuh nangne shaphrang hala ki jong ki sap ki phong ba ki don.
Na ka liang jong ka seng ka ai khublei ïa baroh kiba ïa don bynta ban pynkhreh ïaka ne ka program bad ka long ruh kaba jop, ïa kane ka khubor la phah da ka kong R. Shylla President bad ka kong T. Lytan, General Secretary.