Ka KSU – Narpuh Circle ha ka 25/03/26 hapoh ka jingialam i President u Phanuel Tongper bad General Secretary u Yooni Muksor, kila hiar biang sha Wah Malidor ban bud dien ia ka jingpyrshah ka seng ban khlong maw (Quarrying) ha wah Malidor.
Hadien ba ka seng myn ha ka 24/02/26, kala leit khang ia kiba khlong maw beaiñ bad buh ruh ia ka jingkyrpad lyngba ki social media ia ka District Council ban peit lem halor kane ka bynta namar ka dei ruh ka subject jong ka District Council ban pynneh pynsah ia ki um ki wah, ia ka khyndew ka shyiap. Kumta ka seng hapdeng kitei ki sngi katba ka dang peit pyrman aiu na ka JHADC lyngba ka tnat Forest kan leh da kaba khmih lynti ia ka ba bha, la ioh jingtip pynban ba ka tnat Forest District Council kala ai jingbit (Permission) pynban sha uwei u riewshimet ban khlong maw ha Wah Malidor bala issue ha ka 11/03/26 katkum ka jingthoh bala ioh ka seng.
Halor katei ka permission kila thmu ban sdang khlong maw ha ka sngi Sunday (22/03/36), bad donbok ba ki nongshong shnong Ratachera kila ioh jingtip khamkloi, kumta mar2 kila leit hiar ban khang bad beh syndon ia baroh ki nongtrei ha katei ka sngi. Hadien tang 2 sngi kata ha ka 24/03/26 sngi Tuesday, ka seng kala ioh jingtip bala Cancelled ne Call-off noh ia ka Permission bala ioh u riewshimet.
Kumta ka seng da ka jingiatrei lang ryngkat ka Dorbar Shnong Ratachera, myn hynne ka sngi kala hiar biang sha Wah Malidor ban pynthikna ba ka Cancellation letter ba la soi da i CFO ka dei ban treikam mardor ym tang ha ka jingthoh hynrei wat ha madan ne ha spot.
Ka seng ka phah ruh ia kane ka kyrwoh, na ka liang ka seng kan iai peit pyrman barabor ia kano kano ka jingkhlong maw beaiñ ha Wah Malidor namar kan ktah ia ka um ka wah khamtam kan ktah ia u pud u sam jong ka jylla.
Ha kaba khadduh ka seng ka ai Khublei ia ka Dorbar Shnong Ratachera, Dorbar Shnong Malidor ia ka jingiatrei lang jong ki bad ka seng. Ka seng ka ai Khublei ruh ia ka Tnat Forest District Council ba kala weng noh ia katei ka Permission da kaba pyrkhat ban pynneh ia ki um ki wah ki khyndew ki shyiap kiba hap ha ka jingkhmih jong ka JHADC. Ha ka juh ka por ka seng ka ai Khublei ruh ia i Local MDC Narpuh Constituency, Kong Deivipaya Tongper, ba ila rah ia ka mat ia kren halor ka Wah Malidor, myn ha kane ka session bala dep jong ka District Council.