Ka District Magistrate jong ka East Khasi Hills District kong R.M. Kurbah, IAS ha ka 31.03.2026 ka la pynmih ia ka hukum katkum ka kyndon 163 BNSS na ka bynta ban khang ia ka jinglumthup ia ki jakhlia ha ki bynta jong u surok bah barim NH-40 naduh ka bynta jong ka 61.800 (Barapani) haduh 77.800 (KHADC Junction).
Ia kane ka hukum la hap ban pynmih hadien ba ka DM kala ioh ia ka jingujor ba ki don katto katne ki briew bym lah ban ithuh ki lumthup ia ki mar ba kynthuh ia ki jakhliah, ki khyndew bad kiwei de ki tiar bym pyndonkam shuh ba mih na ki iing briew. Kane ka jinglumthup kala wanrah ruh ia ka jingpynthut ia ka jingtrei maramot kaba dang iaid ha kitei ki bynta.
Kumta ban wanrah ia ka jingshngaiñ jong ki nongleit nongwan bad ban lait na ka jingpynwit pynthut ia ka iaid ka ieng ki paidbah, na ka liang ka DM kala pynjari syndon da ka kyndon 163 BNSS, ha kaba la khang pyrshah ia kane ka jinglumthup. Lada lap ia kino kino kiba ialeh pyrshah yn shah pynshitom ia ki katkum ka kyndon 223 jong ka BNS.
Ia kane ka hukum la pyntreikam mardor naduh ka 31.03.2026 bad kan neh tad haduh ban da pynmih da kumwei pat.