Ka kynhun na nongbah Jowai hapoh ka jinglamkhmat u Dr. H.H. Mohrmen kala ioh ban rah ia ka nam lahduh ne ka kyrdan kaba nyngkong ha ka jingiakop ring video lyngkot halor ka matpdeng “Indigenous Technologies of Meghalaya” ha ka jingkop bala pynlong da ka State Council of Science Technology & Environment (SCSTE), Meghalaya Shillong kum ka jingrakhe ia ka Vgyan Sarvatra Pujyate and National Science Day..
Ia ki khusnam sha ki nongjop la sam mynta ka sngi ha ka jingialang pynkut ia katei ka prokram kaba la pynlong ha All Saint Hall Shillong. Ia kane ka jingiakop la bei pisa da ka Planning Department jong ka sorkar jylla.
Kane ka jingiakop ka don ar bynta kawei kadei ka professional category bad kawei ka dei ka amateur category. Kane ka kynhun na Jowai kaba la ioh ka ka nam ba nyngkong ka dei na ka Professional Category, kiba iadon bynta ki kynthup ia u Habandajop Lyngdoh, Melanie Passah bad u Nehipaia Phaa. Ka kyrteng jong ka video jong ki ka long “Eñ Khnam”. Ia kine ki video la ring ha ki bnai shwa ban kut u snem 2021.
Ka kynhun kaba poi ba ar ka dei jong u Sonu K Sangma kaba ai kyrteng ia ka video “Jam Nok” bad ba poi ba lai pat u Nikseng K Sangma bad ka video jong u ka long “Jhum Cultivation”.
Ha kane ka sngi kala don ruh ka jingsam khusnam sha ki khynnah skul ba pass bha jong ka SSLC bad HSLC kiba pyndep ia ka MBOSE 2021 Examination.
Ki kynhun kiba jop na ka Ameteur Category ki long ka Ashish Jatiani bad ka kyrteng video ka long “Living Root Bridge”. Ba wan ba-ar u bah Banteilang Syiem bad ka video jong u ka long “Millet Story” bad ba wan ba-lai Medarisha Marbanaing ka kyrteng video ka dei “12th Mer Craftmen”. Ka don ruh ka jingsam ia ki Consolation prizes sha i Mewanshwa Nongrum, Kubot Diengdoh bad sha i Dathewborlang Lyngdoh.
