U MDC ka Jowai Central ma Awhai Andrew Shullai mynta ka sngi ula pyllait paidbah ïa ki ‘Ticket Lucky Draw’ jong ka Bouncer Association of Meghalaya Jaiñtia Hills (BAMJH), ha ka jingïalang kaba la pynlong ha ophis treikam ka seng kaba don ha Ladthadlaboh Jowai.
Ka jingthmu ban pyllait ïa kitei ki Ticket ka long shi bynta ban pynmih pisa ïa kane seng Bouncer Association Meghalaya Jaiñtia Hills (BAMJH), khnang ban pynkhlaiñ shuh shuh ïa ka jingshakri jong ka ha kine ki sngi ban wan.
Ïa ka jingïalang la pynïaid da u President ka Bouncer Association of West Jaiñtia Hills District samla Yoosar Kynjing ha ka jingdonlang u Chairman ma R.G Sukhlaiñ, u ma Formi Bina lem bad ki member jong ka seng, la sdang ïa ka jingïalang da ki jingduwai ainguh da u Ram Passah General Secretary ka seng.
Ka dor jong kane ka Ticket ka long 10 tyngka kawei, ki prize ki long kumne 1st- T.20,000/-, 2nd-T.10,000/- bad ka 3rd- T.5,000/- tyngka, ïa kaba yn sa pynkhalai ha ka 22.04.2022.