Ka Election Committee ba la jied da ka Central Executive Council jong ka Khasi Student Union (KSU) ban pyniaid ia ka ilekshon kaba 16 na ka bynta ka samoi treikam 2026-2029 ka ban sa pynlong ha ka 9 tarik u Jymmang 2026 ha Dinam Hall Jaiaw Shillong naduh ka por 7 baje mynstep haduh ka por 3 baje janmiet.
Ka Election Committee ka la dep ban bishar bniah ia ki kot ki sla jong baroh 38 ngut ki kyrtong ki ban iashim bynta ha kane ka ilekshon kaba 16 na ka bynta u snem 2026-2029 .
Ki Post ki bym don nongiakhun ki kynthup ia ka Shuki President ba la thep kyrteng da u Samla Raymond Kharjana, Vice President Pynkmenlang Sanmiet, General Secretary Reuben Anderson Najir.
Nalor ka Post Assistant General Secretary ki don arngut ki ban iakhun ba kynthup ia u Samla Melajied Khongbuh bad u Samla Pynshaiborlang Rani.
Ha ka post Organising Secretary ki don 4 ngut ba kynthup ia u Cleenstar Shabong, Samuel Shabong, Hopefulborn L Mawnai, Nangrikupar Malngiang, Education Secretary ki don 5 ngut kiba iakhun ba kynthup ia u Samla Alerick Kharjana, Nangshainbha Lakiang, Andrew Gary Dkhar, Robinnestar Nongrem bad u Samla Samuel Nonglait, Information & Publicity Secretary 5 ngut ki don ba kynthup ia u Samla Pynshai Kupar Dkhar, Shelkitbok Kharbani, Jeremaiah Pohthmi , Sandy Sohtun, bad Michael Mawa, Office Secretary ki don 5 ngut ki ban iakhun ba kynthup ia u Samla Gary R Mawlieh, Dennyson Nongpluh, Mankhrawbok Marbaniang, Edmund Marboh, Wallamkupar Majaw,Wanmi -shai -l Khongjoh , Sport & Cultural Secretary ki don 4 ngut ba kynthup ia u Badonbok Malngiang, Eric Anthony Nongkynrih, Kevin Nelson Wanrap, Gerald Ford Langstieh, bad ka post Environment Secretary ki don 8 ngut ki ban ïakhun ba kynthup ia u Samuel Kharbani , Kevin Phrangsngi Nongkynrih, Shiningstar Kharbihkhiew, Wellborn Nonglang, Bankerlang Mukhim, Badonkupar Kharmalki , Pynbiangbor Kharsyntiew bad u Samla Basuklang N Khongwar.
Kane ka long ka kyrwoh ba la pyllait da ka Election Committee jong ka Central Executive Council jong ka Khasi Student Union hapoh ka jingpyniaid u Chairman Bah Danny Khyriem bad Secretary Samuel B Jyrwa.