Ka Sonam Raghuvanshi ka la ioh jamin ha ka 28 tarik ïaiong 2026 hadien 11 bnai ba ka la shah set ha patok halor ka jingsuba donkti ban pyniap ia u lok jong ka u Raja Raghuvanshi ha Sohra.
Kum ban shu pynkynmaw ka Sonam Raghuvanshi ka dei ka lok jong u (L) Raja Raghuvanshi kiba la dep iathoh shongkurim bad ha ka jingwankai sha Sohra ha ka 22 tarik Jymmang 2025 bad ha ka 23 tarik Jymmang 2025 ki la jah rngai bad dei ha ka 2 tarik Jylliew ki Pulit ki la lap ia ka met u Raja Raghuvanshi na riat Arliang hajan ka Kshaid Wei Sawdong.
Hadien ka 9 tarik Jylliew 2025 ki Pulit ki la ioh ban kem noh ia ka Sonam Raghuvanshi na Uttar Pradesh bad ia 4 ngut ki paralok kiba la suba donkti ban pyniap ia u Raja Raghuvanshi ha Sohra ba kynthup Anand Kurmi, Vishal Sing Chaughan, Akash Rajput bad u Raj Khuswaha.
Ka ïingkashari ka la ai jamin ia ka Sonam Raghuvanshi ha ka 28 tarik ïaiong 2026 ha ryngkat bad ki kyndon.
Haba pyrshang ban iakren bad u kpa jong ka Sonam Raghuvanshi hynrei ym shym la treh ban kren ei ei haba iadei bad ka jingioh jamin ka Sonam Raghuvanshi.