U Deputy Commissioner, ka West Jaiñtia Hills ula pyntip paidbah ha kaba ïadei bad ka skim SMART Public Distribution System (SMART-PDS), ha kaba ki paidbah ki lah ban ïoh jingmyntoi mynta naduh Ration Card bad kiwei de ki kam lyngba ka online.
La pynshlur ïa ki nongshong shnong ba kin pynpoi ïa ki aplikeshon jong ki tang lyngba ka online portal bala buh kyrpang haka: https://ml.smartpds.nic.in/login/citizen. Kiba ïoh myntoi ki lah ban login da kaba pyndonkam ïa u Aadhaar ryngkat u OTP lane u Ration Card Number jong ki bad u OTP.
Ki jingïarap kiba lah ban ïoh ha kane ka Smart PDS portal ki kynthup naduh ka rukom aplai thymmai ïa ka Card Rashon, ka jingpynrung kyrteng ïa ki dkhot ha ka Card Rashon kaba la don lypa, ka jingpynbeit ia ka Card Rashon, ka jingpynkylla kyrteng ia ka Card Rashon lane ka ka jingpyndam ïa ki dkhot na ka Card Rashon bad ka jingpynphai noh ia ka Card Rashon nalor kiwei de.