Ki bor pyniaid jong ka Amlarem Civil Sub-Division kila pyntip ba na ka daw jong ka jingkyllem jong ka kynroh (Retaining Wall) ha ki bynta jong u surok Amlarem-Muktapur kumta la hap ban khang shipor ia ka jingiaid jong ki kali heh ha utei u surok, khnang ban lait na kano kano ka jingjia ba sngewsih.
Kane ka long ruh shi bynta na ka bynta ka jingmyntoi jong ki paidbah bad ruh kum ka lad jingiada na ka jingjulor shuh shuh katei ka jaka. Kumta naduh mynta ka sngi la khang ia ka jingiaid jong ki kali heh katba ka jingpyntrei ka dang iaid shait shait. Ki bor pyniaid kila kyntu ban kohnguh ia kane ka jingpynbeit tad haduh ban da pynmih da kawei pat ka hukum.