U Deputy Commissioner ka West Jaintia Hills District u la pyntip ba katkum ka jingbtah na ka Sorkar ba ia ka jingthoh Census 2027 jong ka House Listing hapoh ka District kan sdang noh naduh ka 16 tarik mynta u bnai (May) 2026 haduh ka 14 tarik u Jylliew (June) 2026. Ha shwa ia kane ki nongshong shnong ki dei ban pyndep ia ka jingpynrung kyrteng ialade (Self- Enumeration) lyngba ka online haduh ka 15 tarik u May 2026 lyngba ka portal sorkar: https://se.census.gov.in.
La pynshlur ia ki nongshong shnong ban iashim bynta bha bad ban pynioh ia ki jingtip kiba biang ha ka por ban leh ia ka Census sha ki ïing ki sem jong ki. Ki longïing kiba la pyndep ia ka Self-Enumeration kin ioh ia ka Self-Enumeration ID (SEID) na ka bynta ban pynshisha ha ka por ba wan leh Census ki Enumerator sha ki ïing jong ki.