Ka Hynniewtrep National Yout Front (HNYF), South East Sohra Circle ha ka 12 tarik Jymmang 2026 ka dawa na u CEM ka Khasi Hills Autonomous District Council ban pynshai haba iadei bad ka jingai blacklist ia ka North East Security Service Pvt Ltd ha NIT Sohra.
Haba kren sha ki lad pathai khubor na ka liang u Nongaiktien ka Seng u Bah Banjop Khongwir u la ong ba u CEM ka KHADC u blacklist tang ha ki lad pathai khubor bad ha ïingdorbar jong ka KHADC bad u khlem pat ai kano kano ka jingthoh sha ka NESSPL hynrei u shu phah da ka jingthoh tang sha ka NIT bad la blacklist ia ka NESSPL na NIT Sohra.
Kumta na ka liang ka Seng ka dawa na u CEM ban pynshai bad ban pyni da ka jingthoh ba ka KHADC ka la dep blacklist ia ka NESSPL na NIT Sohra.