Ka KSU RIST-USTM Unit ha ka 13/05/2026, kala ioh ban ïakren bad u Chancellor jong katei ka skulbah halor kiba bun ki jingeh kiba ktah ïa ka bha ka miat jong ki samla pule, khamtam halor ka jingshimkhia ïa ka jingbym biang ka jingkhuid jingsuba ha ki bynta ki samla pule bad ruh ïa ka jingbym leh khuid bha ha ka bam ba la ai sha kiba sah hostel.
Ha kane ka jingïakren, la pynsngew ruh halor ki jingujor ba la mih na ki samla pule shaphang ka jinglap ïa kiwei ki bynta kiba jaboh ha ka bam ba la ai man ka por ha Hostel B. Na ka liang ka seng, ka la ioh ruh ban submit ia ka jingthoh bad jingdawa bad la kyntu ïa kiba dei peit ba kin shimkhia mardor halor kine ki mat khnang ban pynthikna ïa ka koit ka khiah bad ka jingshngaiñ jong ki samla pule.
Kumjuh ruh, ka seng ka la ioh ban leit jurip (inspection) ïa ki dukan kiba don hapoh bad shabar jong ka University campus ban peit bniah halor ka jingkhuid jingsuba bad kiwei ki bynta kiba ktah ïa ka bha ka miat bad ka koit ka khiah jong ki samla pule. Ha kane ka jingleit inspection, la ïakren ruh bad ki trai dukan halor kiba bun ki bynta kiba donkam ban shimkhia khnang ban pynneh ïa ka jingkhuid bad ka sawdong sawkun kaba bha hapoh bad shabar ka campus.
Ka KSU RIST USTM Unit kan dang iai bteng ban peitngor bad trei shitom na ka bynta ka bha ka miat, ka jingkhuid jingsuba bad ka hok jong ki samla pule baroh.
