Ki bor pyniaid jong ka Pynursla Civil Sub-Division, Pynursla lyngba u Addl. Deputy Commissioner, bah G. Warjri, MCS, ula pynmih ia ka hukum ba yn khang shipor ia ka leit ka wan lyngba u surok Laitlyngkot-Lyngkyrdem jong u surok Shillong-Dawki.
Kane ka jingkhang kala treikam naduh ka 17 tarik mynta u bnai bad kan bteng haduh ka 20 tarik mynta u bnai haduh ka por 7:00 baje mynstep.
Ki bor pyniaid kila iathuh ba ka jingkhang ia une u surok ka long shi bynta na ka jingshngaiñ jong ki paidbah nongleit nongwan bad ruh ka dang don ka jingiaid shaphrang jong ka jingpyntrei ha kitei ki bynta jong ka Laitlyngkot-Lyngkyrdem.
Kumta la bthah ia ki nongleit nongwan ban shim da kiwei pat ki lynti kum na Pynursla-Dawki-Amlarem bad ruh na Pynursla-Nongjri-Sohra katkum ka jingiadei kam jong ki.