Ka United Democratic Party UDP ha ka 28 tarik Jymmang 2026 ka la pynbna ia kyrteng u bah Vivanstone G Kharngap Kynta na ka bynta ban iakhun ia ka ïlekshon shiteng samoi ka ban sa long shen na Shillong Parliamentary Konstituensi.
Ia kane la pynbna da u President Rangbah jong ka Seng UDP u Bah Metbah Lyngdoh ha ka jingialang pdiang burom ia u Vivanstone G Kharngap Kynta sha ka Seng United Democratic Party kaba la long ha ophis jong ka UDP ha Boyce Road Laitumkhrah Shillong.
Ha kane ka sngi ba pdiang burom ïa u Vivanstone G Kharngap Kynta la sakhi ruh da ki nongkitkam jong ka Party UDP naduh u President Rangbah ka Seng, General Secretary jong ka UDP, Ki MLA ki MDC bad ki nongkitkam jong ka Party ba kynthup naduh ki District ki unit bapher bapher ki la poi sha kane ka jingialang mynta ka sngi.
