Ki dkhot Khasi Student Union (KSU) ha ka 4 tarik Jylliew ki la wah ia ki plakad ha kylleng ka nongbah Shillong ha ka jingwan u Amit Shah Myntri Sorkar pdeng sha Shillong na ka bynta ka jingialang ka NEC kaba 73 ha State Convention Centre Shillong.
Ha kane ka jingwan u Amit Shah sha Shillong, ki dkhot ka Khasi Student Union ki la wah ia ki bannner ha ryngkat ka jingthoh ban pynkynmaw ia ka sorkar pdeng ban dawa pyntreikam mardor ia ka ILP hapoh ka jylla bad kumjuh ban tehlakam ia ka jingwan buhai shnong beaiñ ki bar jylla bad kumjuh ka jingpyrshah ban tih ia u Uranium hapoh Meghalaya bad ban thung kam ia ki samla trai jylla ha Neigrihms Hospital.
Ka jingwah ia ki banner da ki dkhot ka KSU la sdang naduh Umiam ter ter shaduh Shillong Polo, IGP bad ha kylleng ka nongbah Shillong ban pynkynmaw ia ki mat jingdawa kiba dang sahteng jong ka jylla.
