Ka Khasi Students’ Union (KSU) War Jaiñtia Circle haka jingïalam u Michel Platini Mukhim uba dei u General Secretary ha ryngkat ki dkhot mynta ka sngi kila leit kynduh bad ai da ka jingthoh ha u Sub-Divisional Officer PWD Road Amlarem.
Ka jingdawa ba hakhmat ka seng ka long naka bynta ban dro pynbha ïa u line lieh bad dro ïaki crossing zebra line ïa u surok ba don hapoh ka thaiñ Ri War Jaiñtia bad ban buh speed breaker haki jaka ba don skul naka bynta ban shngaiñ ka leit ka wan ki paidbah ka thaiñ.
Shuh shuh ka seng kala pynsngew khamtam ha kum kane ka por jong ka aiom slap (lyiur) ka buh jingma ïaka ïaid ka ïeng jong ki paidbah ba jur ka jingtap dum jong u lyoh khyndew bad ka jingjur slap.
Ha ka juh ka por ka seng kala kyrpad bad ban jur ïa u SDO Amlarem Sub-Division ba un shim khia ïa kane ka jingdawan bad haka jingïakren ka seng bad u SDO ula kular ban shimkhia bad ban leh ïa kaba donkam.