U incharge Sub-Divisional Officer (Civil), jong ka Pynursla Civil Sub-Division, u bah G. Warjri, MCS, Additional Deputy Commissioner, ula pyntip paidbah ba kan don biang ka jingkhang ia ka leit ka wan lyngba u surok Laitlyngkot-Lyngkyrdem (Km 24+00 – 34+00) naduh ka 11 tarik mynta u bnai, na ka daw jong ka jingpyntrei ia ki machine kiba heh ha katei ka bynta jong u surok.
Ka por ban khang kan sdang naduh ka 10:00 baje mynstep haduh ka por 4:00 baje jamiet. Katba ha ka por miet pat naduh ka por 10:00 PM haduh ka por 5:00 AM.
Kane ka jingkhang ba shipor kan sdang naduh ka 11 tarik bad kan bteng tad haduh ban da pynmih da kawei pat.
Na ka liang ki bor pyniaid Sub-Division kila kyntu ruh ia ki nongleit nongwan ba kin husiar bha ha ka por ba ki iaid lyngba ia katei ka jaka ba dang don hapdeng ka jingpyntrei. La kyntu ruh ia ki paidbah ba kin kiar ban iaid lyngba ia katei ka surok lymda donkam eh, bad kumjuh ban kiar ha ka por ba jur eh u slap ne ha ka por mynmiet.
Kan ym don ka jingkhang ia ki kali kum ki Ambulance, ki kali pynlip ding bad ki kali Pulit. Lada don eh kiba jia kyrkieh lah ban phone ha ki bor pyniaid jong ka Pynursla Police Station lyngba ka Number: 9862251116.