Ka Meghalaya People’s United Front (MPUF) sengkmie ha kane ka 12-06-2026 kala ïoh ban pynskem ïa ki nogkitkam ka Mawryngkneng Block Circle, ha ka jingwan sakhi lang jong u Rangbah Shnong ka Mawryngkneng u bah Peter Lawai.
Ïa ka jingïalang la pynïaid da u Asst. Education Secretary ka sengkmie u Peter Sutnga ha ryngkat ka jingdonlang ki dkhot ka Central Executive Committee naduh u Lukas Dkhar, u Juni Phawa, Phrangshwaki Suiam, Nehimaia Pakma, Kyrshan Lamare, nalor kiwei de.
Naka liang u General Secretary ka seng u Hamwer Bhoi haba ai jingkren ula pynkynmaw ïa ki mat jingdawa na ka sorkar kiba kynthup ïa u pud u sam, ka pule puthi, ka aiñ ban ïada ïa ki trai jylla pyrshah ïa ki bar jylla, ka ILP, ka koit ka khiah bad kiwei de ki mat kiba ktah ïa ka jaitbynriew.
Kiwei de kiba ai jingkren ha kane ka jingïalang ki kynthup ïa u Education Secretary, u Chalbester Maria, kumjuh ka sneng ka khraw na u Rangbah Shnong u Peter Lawai. Ïa ki kyntien pynbam smai la ïalam da u President ka seng u D. Wanmi Laloo.
Ki dkhot ka Block Circle kiba long u Harvey Mynsong kum u President, u William Sohtun kum u General Secretary, u Kmenlang Warlangpih kum u Publicity Secretary, u David Syiemlieh kum u Assistant Secretary, u Luckystar Lawai kum u Finance Secretary bad la jied ïa ki 25 ngut kum ki Executive Member.