U Chairman jong ka seng dewiong, (Jaintia Coal Owners, Miners, Suppliers & Workers Association), JCOMSWA u ma Shemphang Langstang u la pyntip ba mynta ka sngi ka jingshah thngan jong u President ka JCOMSWA u Bah Marshall S.B Biam ka la poi sha ka 13 sngi 12 miet bad palat 300 kynta ha ka jingiakhih khlem pud jong u.
Ka dkhot jong ka seng hadien ba ki la iohi ba ka met jong u President ka la sdang ban tlot, kumta ki la pyntip sha ka Urban Health Centre ha Ladrymbai khnang ba kin ioh ban wan peit ia ka koit ka khiah jong u President. Na ka liang jong ki doktor bad nurse ki la wan ban peit ia u bad kila sdang ban ai drip ruh ia u.
Na ka liang jong u ma Shemphang, ula kyntu jur ia ka sorkar ba kan shim khia ia ka jingdawa bad lada jia ei ei ia u President ka sorkar ka dei kaba shim ia ka jingkitkhlieh, u la pynkut.
