Ka Khasi Students Union (KSU) kan sa leit iashim bynta sha ka jingiakren bad ka Sorkar jylla lashai ka sngi ka 26 tarik Nailar 2026 halor ka jingkhot ia kren ka Sorkar ha kaba iadei bad ki 5 tylli ki mat jingdawa ba ka KSU ka la dawa na ka Sorkar na ka bynta ka jingmyntoi ka jaitbynriew bad na ka bynta ka Jylla hi baroh kawei.
Haba ka Sorkar ka khot iakren ka Seng ka khlem khim jingmut ban ia pynbeit ia ki mat jingdawa bad lada ka jingiakren kam seisoh ka KSU kan pynjur shuh shuh ia ka jingiakhih, la pynpaw ki nongialam jong ka seng.
Kane ka long katkum ka kyrwoh ba la phah da u Assistant General Secretary ka KSU u Pynshaiborlang Rani.
