Ka District Legal Services Authority (DLSA), West Jaintia Hills District, ka la pynlong ia ka prokram pynsngewthuh paidbah ne ka Awareness Campaign-cum-Poster Painting halor ka phang “Ragging” under the NALSA JAGRITI Scheme, 2025, ryngkat ka phang pdeng “Empowered Youth, Stronger India.”
Ia kane ka prokram la pynlong ha ka 21 tarik u Nailar, 2026 ha ka jaka ri khunswet jong ka North East India Mission Association (NEIMA) Orphanage Children Home, kaba don ha shnong Sahsniang, West Jaintia Hills District.
Ha kane ka prokram u bah F.B. Passah, uba dei u Assistant Legal Aid Defense Counsel u la ai ia ka jingkren halor ka phang jong ka jingpynshrai (Ragging) bad kdew ia ki jingma ba mih na kane, u la batai ruh ia ka jingdonkam ban bat ia ka jingshngaiñ bad ka jingburom na ka bynta ki khynnah skul bad ki samla.
Hadien ka prokram jong ka jinghikai pynsngewthuh la don pat sha ka jingialehkai dro jingdro (poster-painting), ha kaba ki khynnah kila iashim bynta shitrhem bad kila pynpaw ia ka jingsngewthuh halor ka phang ‘Ragging’ lyngba ki jingialehkai.
Haba kut jong ka prokram la don ka jingsam ia ki khusnam sha ki nongjop ha kine ki jingiashim bynta.
