Ka Jaiñtia Students’ Movement (JSM), mynta ka sngi kala ïoh ban pynskhem ïa ki nongkitkam thymmai jong ka tnad treikam kaba la tip kum ka JSM Wapung Circle haka jingïalang bala pynlong ha Shnong Wapung (Club Ryngkhlem), East Jaiñtia Hills District.
Ïa ka jingïalang la pynïaid da u Vice President, Central Body ka seng u samla Skhembhalang Dkhar, haka jingdonlang ki dkhot ka Central Executive Committee naduh u General Secretary, President bad kiwei de. La ïoh ki kyntien pdiang burom sha baroh kiba wan sha ka jingïalang da u Vice President ka JSM Central Body samla Leningstar Rymbai.
Katba u General Secretary ka seng u Roitre Dkhar ula batai ïa ka rukom treikam jong ka seng bad ula pynkynmaw ïa ki mat jingdawa na ka sorkar halor u pud u sam, ka pule puthi, ka aiñ ban ïada na ki bar jylla, ka ILP, ka koit ka khiah bad kiwei de kiba ktah ïa ka jaitbynriew.
Ïa ki kyntien ban pynskem ïa ki nongkitkam JSM Wapung Circle la ai da u President Central Body u samla Leningstar Rymbai, haka juh ka por ula ai ka sneng ka khraw sha baroh ki dkhot ka seng JSM khamtam eh ïa katei ka tnad treikam thymmai ba kan trei haka nongrim baskhem wat hapdeng ki jingeh ba bun na ka bynta ban pynim ïa ka Ri bad ka Jaitbynriew.
Ki dkhot ka JSM Wapung Circle ki kynthup ïa u Bormi Ryngkhlem kum u President, Khambha Bamon – Vice President, Rikesh Dkhar – General Secretary, Neo Chyrmang – Finance Secretary, Alekki Rymbai – Education Secretary, Meinky Dkhar – Sports Secretary, Charles Phawa – [ym pat pynbna ïa ka Post], Nikynsai bormi Phawa – Information Secretary, u Shanbor Dkhar – Office Secretary lem bad ki 16 ngut ki Executive Member, pynlut ka kyrwoh khubor na u Publicity Secretary JSM Central Body samla Heihokmi Supuh.