Ka Education Cell jong ka KSU WJHD ha ka jingialam u Education Secretary samla Tyngshaiñ Krem, u Vice President Samla Chanbor War General Secretary Samal Leningrad Tariang bad kiwei ki la leit ban jurip ia katei ka School hadien ba la ioh shibun ki jingujor na ki paidbah ka thaiñ.
Ha kane ka jingleit jurip ka KSU ka la shem ba kijuh ki Nonghikai jong ka Day shift Arts Stream ki hap ban hikai ia ki Morning shift, ha ka jingbun ki khynnah kumba 85 ngut katba ki nonghikai pat ki don tang 6 ngut. Ha kaba iadei bad ka Science lap ka seng kala kyntu ban shna pynkloi khnang ba ki khynnah pule kin ioh ka jaka ai jinghikai kaba biang.
Ka seng ka lap ba kat katei ka skul kaba heh kaba don da ki spah spah ngut ki samla pule hynrei kam don satia ia ka Library room.
Ka seng ka la lap ruh ba kynroh kaba la twa Naduh u Snem 2020 te haduh mynta ym pat lah ban tei pynbha ne tei da kaba skhem. Kane ka kynroh bad jingtwa khyndep ka lah ban ap jingma ia kiba iaid ka ieng na katei ka jaka khamtam ki long ïing kiba shong ba sah na sharum jong ka School.
Ka Seng ka lap ruh ba haduh mynta ym shem la pynpra ia ka Building School kaba la synjor kaba ap jingma bad kaba la orpait la bun bun snem mynta. Hadien ka jingwan jurip u Myntri ka Pule puthi u la kular ba shen yn sa pynpra ia katei ka building kaba lah ban twa ha kano kano ka por khamtam ka lah ban wan rah ka jingsngewsih ia ki paidbah kiba shong ba sah ha syndah bad katei ka School building.
Kumta na ka liang ka Seng ka dawa jur na ka Sorkar khamtam na u Myntri pule puthi ban shimkhia ia kane ka kam khnang ba ki khynnah pule bad ki nongtrei (Staffs) ha kane ka school kin ym rit mynsiem haba wan sha kane ka school, la pynkut ka khubor ba la pyllait da u samla Tyngshaiñ Krem Education Secretary, KSU West Jaintia Hills.
