–Soi MoU bad ka Assam Rifles ban ai jingkyrshan ha ka pule puthi na bynta kiba haïing–
Ka Aakash Educational Services Limited (AESL), kawei na ki synjuk ban kyntiew ia ka pule puthi ha India, hynne ka sngi ka la pynbna artylli ki sienjam na ka bynta ka nongbah Shillong. Ka AESL ka la rai ban plie ia ka Centre ha kane ka jylla Meghalaya, kaba don ha Shillong, bad soi ruh ia ka Memorandum of Understanding (MoU) bad ka tnad shipai Assam Rifles ban ai scholarships, ban peit ia ki jingmyntoi ki shipai bad kiba haing hasem jong ki ha ka ri baroh kawei.
Ka Centre thymmai ka AESL ka don ha Shillong ha ka Holding No 383, Don Bosco Square, Upland Road, Opposite St. Margarets H.S. School, Nongkynrih, Laitumkhrah, kaba dei ruh ka sien nyngkong ba kane ka kompeni kan don ia ka shlem ha ka jylla bad ka la nang kyntiew suh shuh ia ki coaching centre ha North-East. Ha ka jaka kaba iar 7000 sq ft ka area, kane ka centre thymmai ka don 6 tylli ki classroom bad palat 300 ki khynnah pule.
Ka AESL ka la don lypa khyndai tylli ki centre ha North-East kynthup ha nongbah Agartala (Tripura), Dimapur (Nagaland), Imphal (Manipur) bad Guwahati, Kamrup, Nagaon, Silchar, Jorhat bad Dibrugarh (Assam).
Da kane ka jingdon kane ka centre ha Shillong kan ai jingmyntoi ia ki khynnah pule kiba kwah ioh jinghikai ia ka Aakash ban iakhun ia ka NEET, IIT-JEE bad kiwei pat ki eksam doktor bad injiiar khlem da donkam shuh ban leit sha kiwei pat ki nongbah ban pynkhreh ia ka eksam.
Ka AESL ka pynbna ruh ia ka jingiatreilang bad ka Assam Rifles ban seng ia ka rukom treikam ba la buh ryntih jong ka jingbha jingmiat ha ka pule puthi ha kylleng ka thaiñ, kaba ai ia ki prokram ai jinghikai ba la shna kyrpang, ka jingpynlait ia ka bai skul, bad ka jingkyrshan ba aiti lut ha ka pule puthi na ka bynta ki shipai jong ka Assam Rifles bad ki bahaiing jong ki.
Ka prokram ai jingmyntoi ka don ia ka rukom pynlait bai lutksan kaba la buh kyrdan khnang ban pynbun ia ka jinglah ban ioh na ka bynta ka kynhun shipai. Katto katne ki jinglong ba kongsan jong ka MoU ki long:
- Ki briew kiba la iap ha ka jingshah pyndik ki ioh ia ka jingpyllait na ka bai skul kaba 100 percent (ka donkam tang ia ka bai pynrung kyrteng bad bai rung).
- Kito kiba ioh khusnam Gallantry bad ki shipai kiba palat 20 per cent ka jingduna dkhot met ioh ei haduh 90 per cent ka bai tuition.
- Ki shipai kiba duna ia ka 20% ka jingduna dkhot met kin lait siew haduh 50% ka bai tuition.
- Ki nongtrei kiba dang shakri bad kiba la shongthait—ryngkat ki shipai Assam Rifles Public School bad ki nongtrei bad ki khynnah skul jong ka Assam Rifles Public School—ki ioh ia ka bai tuition ba duna haduh 30 percent.
Kum kine ki MoU la seng ha ki por ba la leit ryngkat ka Indian Army, CRPF, BSF bad ITBP.
Ha kane ka sngi, u Chandra Sekhar Garissa Reddy, MD bad CEO ka Aakash Educational Services Limited u la ong, “Ka jingplie ïa ka centre ba nyngkong jong ngi ha Meghalaya ka dei ka mawjam kaba kongsan ha kaba pynthikna ba ka jingpynkhreh ïa ki test kiba bha kan long kaba suk ban ïoh na ka bynta ki samla pule jong kane ka thaiñ. Ryngkat ka Aakash, ngi ngeit ban kyntiew ia ka jinghikai na bynta ki samla pule ha kano kano ka jaka ba ki don. Ka jingïapher ba kongsan jong ngi kam dei tang ka jingbha jong ki jingdon jong ka jinghikai hynrei ka jingpynpoi jong ka ruh kaba pyni ïa ka jingïahap kaba dei hapdeng ki rukom treikam online bad offline.
Na ka bynta ki samla pule, ka jingmyntoi kaba khraw jong ka direct centre ha la ka jong ka jong ka jaka ka long ba ka jinghikai kaba pawnam ha ka pyrthei mynta ka la tied ia ki jingkhang jong ki bad kim ju donkam ban leit sha jngai na ka bynta ban ioh jinghikai. “Ngi sngewkmen ruh ban soi ia ka MoU bad ka Assam Rifles. Kito kiba shakri ia ka jaitbynriew ki dei hok ban ioh ia ka lad kaba lah ban ioh ia ka longïing jong ki ban roi bad ban jop. Lyngba kane ka jingiatreilang, ngi kyrmen ban pynlong ia ka jingkyrshan ha ka pule puthi kaba bha kaba kham suk ban ioh ia ki longïing kiba iada ri bad ban ieng ryngkat bad ki ha ki jingangnud pule jong ki. Ka long ka lad kaba rit hynrei kaba don jingmut ban noh synniang sha ka mariang kaba kham heh kaba kyrshan ïa ki shipai jong ngi.”