Ka JSU ka pynpaw ba kam lah ban pdiang ia kane ka Public Hearing ba la pynlong na ka bynta ka Shree Cement, kala kynnoh ba ka dei ka private hearing u Conrad sangma kumno ki ong ba ka public hearing kan iaid shakhmat ym lah ban pdiang namar ha ki video la sakhi ba ki tih ia u surok ki siat da u tear gas ki pyndon kam da ki Mafia bad Police ban khang ia ki paitbah ba wan ban ia shim bynta ha katei ka Public hearing.
Na ka liang ka JSU ka pynrem jur ia ka jingkren u Symbud Myntri Rangbah ka jylla u Bah Prestone Tynsong namar ialade shu shong ha office um tip ia ka jingeh ki nong shong shnong u shu ai hukum ban leh beaiñ ki Pulit katba ki mon. Kane ngim lah ban pdiang ha ka imlang sahlang namar ngi tip ba ka jylla Meghalaya ka dei ka jylla synshar paitbah ym dei ba synshar donbor.
Ka JSU ka pynpaw ba ka daw bah ba kam lah ban pdiang ia kane ka public hearing namar ka Sorkar u Conrad ka leh da ka bor ia kaba lah ban pynshisha lyngba ki video.