Ka HNYF- Nartiang Circle mynta ka sngi ka (18 march) kala beh krad ia ki arngut ki bar jylla bawan thied tin jot shapoh ka shnong namar ba kim don ia ki kot ki sla ki ba biang.
Ka seng ka ong ruh ba kane ka jingwan jong ki bar jylla shane kiwan ban tuh bad kamai ia ka spah na ka ri bad ki shnong ba ieid jong ki Khasi Pnar. Ki jait jingtrei kiba ki paid Khasi bad Pnar ki dang lah ban trei, kumta ka seng kan ym aili ia ki poi ei shisngi ban wan kamai, khamtam haba kim don ia ki kot ki sla ba biang.
Ka seng ka pynpaw ba ka jingiohlad jong ki bar jylla ban wan knieh ia ka kamai kajih jong ka jaidbynriew kin kjit lut ia ka spah hapoh ka bri u hynniewtrep bad kan sa pyniap thngan ia ki trai jylla.
Ka seng kala kynthoh ruh ba kane ka jingbym don ki bar jylla ia ki kot ki sla kum ki trading license ka pynduh jingmyntoi shibun ia ka District Council namar ba kam ioh ban shim khajna na kine ki bar jylla kiba thmu ban wan kamai suk shapoh ka ri Khasi Jaintia. Kumta ka seng ka kyntu ia ki bor District ban kin peit bniah ia kum kine ki bar jylla, pynkut ka khubor ba la phah da u Publicity Secretary ka HNYF-Nartiang Circle u Deibor Sariang.