Ka 9th U Kiang Nangbah Indoor Games Competition, kan sdang naduh ka 4 tarik u Iaiong 2022, haduh ka 7 tarik Iaiong 2022, ia kane ka lympung ialehkai la pyniaid da ka Meghalaya State Government Employees Federation (MSGEF) Jaintia Hills Unit, Jowai.
Ka jingialeh kan long ha ki ar bynta, ka Carrom Board bad ka Badminton, ia ka jingialehkai Carrom yn pynlong ha ka Office trei kam ka Federation, kaba don ha Ground Floor jong ka Deputy Commissioner Office Jowai. Katba ia ka jingialehkai Badminton pat yn pynlong ha Indoor Sports Hall ka Seiñ Raij Jowai kaba don ha Tpep-pale Jowai, (Madan Ryngkaw).
Ka tarik kaba khadduh ban pynpoi ia ki Entry Fees kan long ha ka 29.03.2022, hapoh ka 6 baje janmiet, ia ka Carrom Board yn sdang ha ka por 11 baje mynstep, katba ia ka Badminton yn sdang ha ka por 6 baje janmiet. Ki kynhun ne Categories kin long ka Men Single, Men Double na ka bynta baroh ar ki jingialehkai (Carrom & Badminton)
Kane ka lympung kan long tang na ka bynta ki nongtrei kam sorkar hapoh Ri Lum Jiantia, kumjuh ruh ia ia ki Bank, ki Hospital ruh ki lah ban wan iashim bynta sha kane ka lympung jong ka MSGEF.
Ia ki jingtip ba kham bniah lah ban phone ha u Secretary Indoor MSGEF ma T. Laloo, 9366115391 / 9378194223.