Ka seng Hynniewtrep Integrated Territorial Organization (HITO) Sengkmie mynta ka sngi ka 19 tarik March 2022 hapoh ka jingialam u President u bah Donbok Dkhar kala pynskhem sa kawei pat ka shnat treikam kaba ka tip kum ka HITO Khliehtyrshi Area.
Ha kane ka sngi la ioh ia ka jingkren lamphang bad pyniateh kular ia ki dkhot jong katei ka shnat thymmai da u President rangbah ha kaba u la ai ia ka jingsneng jingkyntu na u Pynbiang Rymbai, Iomiki Passah, Mar Sari bad ia ka jingialang la pyniaid da u Secretary ka sengkmie u bah Wanbun N Dkhar.
Haka jingkren jong u President u la ong ba ka HITO ka long kawei na ki sengbhalang kaba kongsan bad kyrpang tam hapoh ka bri u Hynniewtrep.
Ki nongkit kam jong ka HITO Khliehtyrshi na ka bynta ka samoi 2022-2024 ki long
President Samely Shylla, Vice president W Rymbai, Secretary Lakhon Dkhar, Asst Secretary Danny Dkhar, Publicity Secretary Bechoius Shylla, Sports Secretary D. Phawa, Disceplinary Secretary Dudmi Dkhar, Agriculture Secretary P. Rymbai bad la jied ruh 20 ngut ki dkhot.