U ma Lasky Rymbai MDC ka Tuber Constituency ba dei u Deputy CEM ka JHADC hynnin ka sngi (19.3.2022) ula plie paidbah ia ka ïing treikam jong ka Seiñ raij ka shnong Cham Cham ha ryngkat ka jingshakhi lang jong u Myntri ka sorkar jylla uba long ha kajuh ka por u MLA ka thaiñ u ma Kermen Shylla.
Hashwa ban plie ia kane ka ophis treikam ka la don ka jingialang ba lyngkot ba la lyngkot ba la pyniaid da u Chairman ka Seiñraij Shnong Cham Cham u ma Pilin Dkhar.
U ma Lasky haba ai jingkren ha kane ka sngi ula pynkynmaw ia ka jingsngewkmen kaba khraw ba hapoh kine ki snem bun na ki Seiñ raij hapoh ka Constituency jong u kila ioh ia ka ïing treikam naduh ba ula long u MDC kane ka thaiñ. Ula khmih lynti ruh ba un dang lah shuh shuh ban ai ka jingshakri nangne shakhmat da ka jingiatreilang ki nongshong shnong bad ki Seiñ raij bapher bapher.
Ha kane ka sngi la ioh ia ka jingpdiang burom na u General Secretary ka Seiñ raij u ma Stop Phawa. La ioh ruh ka jingrwai ai khublei na ki longkmie jong ka Seiñ raij Cham Cham.
