Ka Synjuk ki Seng Rangbah Katholik Diocese Jowai ka la ioh ban pynthymmai ia ki nongkitkam jong ka synjuk ha ka jingialang Annual Meet ba 16 jong ka kaba la long ha Amlarem Parish, Syiem Jingsuk kaba la sdang naduh 19 tarik bad kut ha ka 20 tarik mynta u bnai.
Ki Nongkitkam bathymmai jong ka Synjuk na ka bynta ka snem 2022-23 kiba kynthup ïa u ma Henry Manner – President na ka Parish Amlarem, ma Michael Nongtdu – Symbud President bad Adviser jong ka Synjuk na ka Parish Sutnga, ma Francis Lathong – Secretary General na ka Parish Mooksiang (Phramer), ma Dominic Sumer – Asst. General Secretary na ka Parish Jowai, ma Stalbinus Dkhar – Liturgical Secretary na ka Parish Moowkyndeng, ma Leo Laloo – Finance Secretary na ka Parish Ummulong, ma Gilbert Sten – Chairman Finance na ka Parish Jowai bad ïa ki Nongkitkam ba dangsah ki ban bat ha ki kam bapher bapher, ki Nongkitkam kiba la shimkam thymmai kin sa jied napdeng ki dkhot jong ka Synjuk ïa ki briew kiba tbit katkum ki post kiba dangsah.