Kum shibynta ka jingiasnohkti lang ba ka pyrthei shi tyllup ha ka jingrakhe ia ka World Water Day mynta ka sngi ruh ka District Water and Sanitation Mission (DWSM), West Jaintia Hills, kila rakhe ia kane ka sngi ha District Library Auditorium, Mynthong Jowai halor ka phang ‘Groundwater: Making the Invisible Visible’.
Haba kren ha ka jingialang u Addl. Deputy Commissioner bah Alexander S Mukhim ula ong ba ka jingrakhe ia kane ka sngi ka long shi bynta ban pynkynmaw ia iwei pa iwei halor ka jingkordor jng ka um ha ka jingim ba man la ka sngi. Ha ka juh ka por ka long ruh ka kamram jong uwei pa uwei ban nang ban kynshew ia ka um khamtam ban pynlang ia ka umslap.
U bah Mukhim ula ong ba ka long kaba donkam ban pynlong ia ka um ha baroh shisnem lynter bad ka long kaba donkam ban pynlong ia ki tyllong um kiba khuid bad ka long kaba donkam han thung shibun ki dieng ha ki rud tyllong um. Ula pynkynmaw ba ka jingpyntreikam ia ka Jal Mission Scheme da ka sorkar pdeng ka iarap ban pynduna ia ka jingeh ha ka jingiadei bad ka jingkyrduh um.
U la kyntu ruh ia ki paidbah ban long kiba nang ban pyndonkam biang ia ka um ka bym donkam shuh ha kiwei pat ki liang khnang ba yn lah ban tyngkai ia ka um.
Ka kong R. Kynjing, Member Secretary DWASM ha ka jingkren lyngkot jong ka kala batai ia ka jingdonkam jong ka um ha ka jingim ba manla ka sngi bad ruh.
Kum ka jingai mynsiem ia ki khynnah skul ba kin tip ban tyngkai ia ka um, kane ka ophis kala pynlong ia ki jingiakop rwai tynrai halor ka phang ‘Save water it will save you’. Ia ki nongjop ha kane ka sngi la ai da ki Certificates. I kong Zienovia Lyngdoh District Project Manager (DPM) ila ai ia ki kyntien pdiang burom ha shwa ban sdang ka prokram.
