Ka khubor na ka ophis u Superintendent of Police, West Jaintia Hills ka pyntip ba kum shi bynta ban pynsuk ia ka iaid ka ieng u paidbah kan don ka jingpyrshang ban weng noh shipor ia ka No Entry kaba la buh ha Lad Hospital Mission kaba don ha Moosalyngkat naduh ka 25 tarik mynta u bnai.
Kumta naduh ka 25 tarik mynta u ki kali kila lah ban iaid lyngba katei ka surok ban poi sha Kynruhsaphlang bad Iawmusiang. Hynrei kala don ka jingkhang lad ban phai sha ka mon (No Right turn) na Lad Kynruhsaphlang sha Newhill Police Point bad ki kali ki hap ban iaid beit beit sha ki bynta jong ka Iawmusiang.
Na ka liang ki Pulit ki buh ka jingkyntu ia ki paidbah ban iatreilang khnang ba yn lah pynduna ia ka jingsahkut kali. Kane ka jingpynbeit thymmai kan sdang naduh ka 25 tarik mynta u bnai bad kan long shwa tang kum ka jingpyrshang bad lada i donkam kan sa don biang ka jingpynkylla iathuh ka khubor Pulit.